Metroa, metroa eta metroa, metroak eta metroak. Metroa eta gehiago
Hobetu eta hobetu, etengabe. Horixe da Metro Bilbaoren filosofia. Hobetzea,
gero eta urrutirago joatea, gero eta gehiago, gero eta hobeak izateko.
Hara, bada, Metro Bilbaon urrutirago helduko gara, leku gehiagotara, jende
gehiagorengana. 2009ko uztailaren 4an Santurtzira iritsiko gara, eta Santurtzitik...
Horregatik, Santurtzi eta Peñotako erabiltzaileei esker, gero eta
gehiago gara garraiabide arin, garbi eta seguruaren aldeko apustua egiten
dugunok. Ongi etorri Santurtzi!
Gure fosterito birtualean metroa ahalik eta ondoen erabiltzeko interesgarri
deritzogun informazio guztia aurkituko duzue.
Batetik, Metroa atalera sartzen bazarete, gure enpresaren berri jasoko
duzue, trenbideak, ibilbideak, euskarri teknologikoa, kudeaketa, baita
bisita birtutala ere, Norman Fosterren diseinu arkitektonikoan zehar.
Bestalde, “Zu” izeneko atalean metroaren zerbitzuari buruzko
edukiak eta xehetasunak aurkituko dituzue, azkar eta errazagao ibiltzeko
batetik bestera. Horrela, aurrerantzean, txartelak optimizatzeko tresnaren
laguntza ere izango duzue, zuen garraio beharrak ahalik eta merkeen asetzeko
gomendioekin. Hantxe aurkituko duzue zenbat irauten duten bidaiek, zein
diren metroko azkeneko albisteak, bezeroen galderarik ohikoenak, non dauden,
zehazki, gure geltokiak eta bakoitzak zer zerbitzu eskaintzen duen, trenen
ordutegiak eta maiztasunak eta gaztetxoenentzako atala, Metrotxiki, ere.
Geltoki bakoitzaren inguruko kaleetan klikatuz beste garraiabide batzuk,
aparkalekuak, leku turistikoak, aisialdiko tokiak, ospitaleak eta anbulatorioak
non dauden azalduko zaizue.
Azkenik, herritar guztien eskura egoteko, bertsio eskuragarria ere sartu
dugu.
Zuok gure sarera, gure artera sartzea pizgarri handia da guretzat kalitatezko,
pertsonek pertsonentzat egindako zerbitzua eskaintzeko ahaleginean.
Zuzendari Nagusia
